早前網上瘋傳七月日本會有大地震，好多人都擔心出事而取消旅程。不過，隨住預言日子安然過去，大家終於可以放下心頭大石，重拾旅行信心。如果你一直都心思思想去日本旅行，咁而家就真係一個好時機。不過，去旅行唔單止係影靚相食美食，尊重當地文化同禮儀，其實更加重要。
Kirakuu 作為一個專注日本旅行用品嘅品牌，我哋相信一場真正難忘嘅旅行，係由裝備同態度開始。以下就整理咗幾個最基本但又最容易忽略嘅日本旅遊禮儀，等你玩得安心又得體，做個有禮貌嘅旅人。
1. 喺公共交通要保持安靜
日本嘅地鐵、火車出名準時又乾淨，但同時都非常安靜。如果你喺車廂內講電話、大聲傾偈、開住影片無耳機，會令人覺得好唔禮貌。記得開靜音模式，有需要傾計都盡量細聲啲。
2. 要排隊唔好插隊
無論你係搭車、入餐廳，甚至搭電梯，日本人都會自律咁排隊。唔好諗住有人唔理你會照樣插隊，跟住人哋個節奏排隊，尊重人哋，先會令人尊重你。
3. 入屋或指定場所要除鞋
去到人哋屋企、傳統餐廳或者溫泉旅館，記得喺門口除鞋，場地通常會提供室內拖鞋俾你用。如果唔肯定要唔要除鞋，可以望下附近有無提示，或者跟住其他人做就得。
4. 唔使畀貼士
喺日本，畀貼士唔止唔流行，仲可能會令人覺得唔知你做咩。佢哋認為提供好服務係基本責任，只要你有禮貌咁講句「ありがとう ございます（多謝）」，已經係最好的回報。
5. 尊重神社同寺廟
神社寺廟係神聖地方，唔係打卡景點。入內記得着得整齊低調、細聲講嘢、遵守禁止拍攝等規則。入口通常會有「手水舍」俾你用水舀潔手，記得試下，係參拜前一個重要步驟。
6. 自己垃圾自己搞掂
雖然日本街道非常乾淨，但其實街上垃圾桶唔多，遊客好多時要自己拎住垃圾直到搵到回收桶或垃圾站。記得分類同環保，係做個好旅人嘅第一步。
本來因為災難傳聞而猶豫不決嘅旅人，依家可以安心啟程。日本再次歡迎你，唔好忘記，旅行唔單止係玩，仲係一種文化交流。
Kirakuu 會繼續為你提供最貼心、最實用嘅日本旅行用品，由收納袋、便攜拖鞋到適合參拜穿着嘅服飾，一應俱全，等你可以真真正正享受旅程，無後顧之憂。
🧳 準備好重新出發，深入體驗真正日本？